|
|
|
ENGIN MISKUNNEinþáttungur - sjónvarpsleikrit Handrit© Benóný Ægisson - Verkið má ekki afrita eða flytja opinberlega án leyfis höfundar |
Um verkiðHreinn Björnsson er fyrrverandi sjónvarpsstjarna. Þegar hann var upp á sitt besta hélt hann úti þættinum "Á teininum hjá Hreini" þar sem hann grillaði stjórnmálamenn og háttsetta embættismenn. Þessi eitilharði fréttanagli og skelfir ráðherranna er nú sokkinn niður í útvarp og stjórnar símaþættinum "Engin miskunn" þar sem engir hringja nema nöldurseggir, þrasarar og hálfgeðbilað fólk og Hreinn svarar þeim með orrahríð af skömmum, skítkasti, lítilsvirðingu og dónaskap. Útvarpsstöðin sem hann vinnur á er dæmigerð tónlistarstöð, þar sem skotið er inn lítt undirbúnum viðtölum, oftast í gegnum síma, og hlustendum gefst kostur á að hringja inn og biðja um óskalög eða viðra skoðanir sínar og Hreinn hatar stöðina jafnvel þó símadaman Ísold vilji allt fyrir hann gera. Í einkalífi Hreins er sömuleiðis allt í rúst. Hreini finnst tilveran ömurleg en kynni hans af pizzusendlinum Elvu Dögg verða þess valdandi að hann verður örlítið sáttari við lífið. Það gæti verið miklu verra. Engin miskunn var frumsýnt í Ríkissjónvarpinu í mars árið 2000.
|