Knattspyrnuáhugamaðurinn
Ef þú heldur að fótbolti sé leikur
þá veistu ekki hvað fótbolti er
þá hefurðu bara ekki hugmynd um það
hálfvitinn þinn
Ónei
ónei kallinn minn
fótbolti er enginn andskotans leikur
fóltbolti er enginn andskotans kellingaíþrótt
fótbolti er uppá líf og dauða
fótbolti er stríð
Líttu á mig
skallann
klossana með stáltánni
fötin sem þú nærð ekki taki á
einstrengingslegar skoðanir mínar
tryggð mína við gömul fyrirlitin tákn
ég er viss um að þú getur skrifað um mig lærðar
greinar
en ef þú hittir mig í dimmu húsasundi
þá er ég er viss um að þú skítur
á þig
auminginn þinn
Ekkert af því sem þú trúir á kemur
rassgat við mig
fáninn, þjóðsöngurinn, fjallkonan
ég vona að það fitti í görninni á þér
ég er hinn eini sanni bláklæddi drengur
bláminn er mitt föðurland og trúarbrögð
og ég skal ýta á eftir hinu draslinu með stáltánni
Ég er viss um að í tillærðum hroka þínum
áttu nákvæma skilgreiningu á mér
og mínum líkum
en það skiptir mig engu
fokk jú helvítið þitt
fokk jú
hvern djöfulinn heldurðu að þú sért?
Ég hef sé þig á vellinum
með son þinn
þið eitthvað að meilbonda
eiga gæðatíma saman
feðgarnir á vellinum
ég hef séð þig
þú hefur líka séð mig
en þú veist ekki að það var ég
og þú veist ekki að mig langaði til að lemja þig
í hausinn
brjóta á þér hauskúpuna
hella úr henni heilagrautnum
og ríða þér í augntóttirnar
Ég er viss um að þið haldið með Manchester United
eða Liverpool
einhverju helvítis hommaliði
Nei nú veit ég
þið eruð Tottar
Þið eruð andskotans Júða-Tottar
eða segir maður Tottarar
það skiptir engu
ég hræki í kókið ykkar
ég míg á bakið á ykkur
og æli yfir ykkur
og sendi ykkur heim í sjúkrabíl
Sagði þeim þennan brandara úti
fyrir leikinn á móti Tottunum
áður en allt varð eins og það átti að vera
og við urðum hermenn í heilögu stríði
á móti öllum sem voru á móti okkur
Tottarar totta skaufa
það tapast reyndar mikið í þýðingunni
en þeim fannst hann samt fyndinn
hinum bláklæddu drengjunum
þar sem við stóðum og drukkum bjórinn okkar
og biðum þess að það yrði heilagt
fullt af svita og blóði og reyk
brotið og bramlað og hættulegt
en léti okkur finna á eigin líkama
svo ekki sé um að villast
að við erum á lífi
að við erum til
Já
alveg rétt
þér finnst ég koma óorði á fótboltann
helvítis homminn þinn
ógeðslegi júðadjöfullinn þinn
afturúrkreistingur negrahóru
þú skalt bara passa þig
þú skalt bara passa þig
ég veit hvar þú átt heima
Ég veit hvar þú átt heima
© Benóný Ægisson
|