Ritalín-Ragga
Ritalín-Ragga - Ritalín-Ragga
vaknar í bítið - hvar er nú spídið?
teygir sig í dæluna alveg með æluna
oní koki er kemur þar hvítur poki í leitirnar
og allt verður alveg ógeðslega gott
Daggi fær sitt tott og allt er í lagi uppfrá því
Ritalín-Ragga - Ritalín-Ragga
daman hans Dagga reynir að þagga
niður í röddunum í andskotans pöddunum
sem umkringja hana ætlað ráða henni bana
Ritalín-Ragga það er hvergi skjól
Ritalín-Ragga ætlar þú að dansa næstu jól?
Ritalín-Ragga - Ritalín-Ragga
Hvað varð um Dagga? Má ekki hvíla er úti að díla
Ritalín Ragga ertu að rakna við?
Er einhver kominn til að sækja þig?
Bíðurðu eftir fari yfir ána Styx?
Ragga er lífið eintóm bið og svo næsta fix?
Ritalín Ragga - Ritalín Ragga
ekkert má hagga ró þinni Ragga
Þig varðar hvorki um trú eða pólitík
En hvað kostar það að vera svona ung og rík?
Ef til vill hlotnast þér upphefð slík
að verða landsins allra allra yngsta og fallegasta lík ©Benóný Ægisson
|
