Söngtextar

1. Óður
2. Endalaus ljóð
3. Dagur reiði
4. Hótel
5. Dansaðu hjartað mitt
6. Ritalín-Ragga
7. Fjarðaralda
8. Rósir og rakvélarblöð
9. Skuggamynd
10. Þar er efinn
11. ´69

Fjarðaralda

Þau stigu um borð í fagurt fley
sem flutti þau öll burt
Á ómældum himni óveðursský
ekki eitt auga þurrt
Þau frétt höfðu það að á fjarlægri strönd
fyndu þau loksins var
Þráðu svo heitt að líta þau lönd
og lifa til eilífðar þar

Skipsbjallan gall svo glumdi við fjall
gjallandi í hlustirnar skar
Ættgenga fátækt í farangrinum
faðir minn á skipið bar
Akkerum létt og við öldunnar sog
út lagt á djúpin breið
Seglin hurfu inn í sortann og
við siluðumst köld heim á leið

Örlög svo margra er að elta einhvern draum
út við kvöldroðans sjóndeildarhring
Hilling svo ágeng að öllu er hætt
uns allt er komið um kring
Í bæ einum lágum við brimsorfna strönd
bíður sá sem eftir var
og hvíslar svo hljótt út í eilífðina
en aldrei berst honum svar

©Benóný Ægisson