Dansaðu hjartað mitt
Að vori þá lifnuðu í brjóstunum blóm
í bríma sprungum við út
leið okkar lá þá um djúpsævin blá
líkt og skip sem mætast um nótt
Á þinu valdi varð ég þá strax
vefur þinn laukst um mig blítt
Þú dansaðir tryllt útí tunglsljósinu
tókst síðan hjarta mitt
Kór:
Ó dapra hjartað mitt – dansaðu hjartað mitt
ástsjúka hjartað mitt – einn dans enn hjartað mitt
Sumar svo heitt og sólbrunnið leið
sviðinn plagar mig enn
Leið inní algleymi drykkju og dans
í draumunum ennþá ég brenn
Dreymdi um ástir og unaðslegt líf
endalaust stiginn var dans
Þú kysstir mann dreymandi í kvöldsólinni
kramdir svo hjarta hans
Burt er nú fegursta fiðrildið sem
flögraði um garðinn minn
Haustið braust inn í hjarta mitt
hreiðraði sig þar um sinn
Ást mín hún breyttist úr funa í frost
fjötraði í klakabönd mig
en hjartað mitt þrjóska þráast enn við
þráir að dansa við þig ©Benóný Ægisson
|