Söngtextar

1. Útlaginn
2. Martröð fangans
3. Svart kaffi
4. Meirafífl
5. Græðum á daginn
6. Álver leysa allan vanda
7. Söngur endurskoðandans
8. Kveðið eftir vin minn II
9. Sunnudagsmorgun í 101
10. Drekkum í nótt
11. Íslenskt hergönguljóð
12. Ss. Ísland

Kveðið eftir vin minn II

Með skrúfjárni þú skófst af draumnum krómið
og skarst á æðarnar í kaldri ró
felldir síðan blýþungt tár í tómið
timbrað lítið blóm sem drottni dó

Þú varst aldrei mikið fyrir þjarkið
og þreyttist fljótt í svipuhöndinni
er félagarnir helltu sér í harkið
í hinsta sinn þú varpaðir öndinni

Englaskari bar þig í bláinn
þú berð ekkj´oftar fullur upp hjá mér
já djöfull fer þér vel að vera dáinn
og drottinn veit ég sé ekkj´eftir þér

© 2012 Benóný Ægisson