Verkið er ljóðleikur eða söngdans þar sem jafngild eru leiklist, tónlist og dans. Það er svört kómedía sem gerist á 17. öld og fjallar um Svein Björnsson þjóf, nauðgara og galdramann. Uppsetningin er í samstarfi við Kómedíuleikhúsið á Ísafirði og var verkið frumsýnt 18. mars 2010 í Edinborgarhúsinu. Meira
Sýningar

Út í kött! er ævintýraleikur með dansi og söng, fyrir börn á aldrinum fjögurra til tólf ára en fullorðnir ættu líka að hafa gaman að þessu fjöruga verki. Leikin atriði mynda skemmtilega umgjörð utan um söng- og dansatriði þar sem ævintýrapersónur í litríkum búningum bregða á leik. Verkið var frumsýnt þriðjudaginn 26. maí 2009 í Gerðubergi. Meira
Sýningar

Kinkir Geir Ólafsson er dægurlagassöngvari með hjartað fullt af ást sem hann úthellir á kertaljósakonsertum sínum. En þetta er líka upplýsandi dagskrá fyrir úthverfalið og aðra sveitamenn. Kinkí mun meðal annars leiða dreifbýlingana í allan sannleika um átthaga sín, nafla alheimsins: 101 Reykjavík þar sem æðiliðið býr. Verkið var frumsýnt rétt fyrir hrun. Meira

Leikritið er á ensku og leika tveir leikarar fjölmargar persónur sem komið hafa við Íslandssögu, allt frá landnámi til vorra daga og endurspegla flest það sem gerir þjóðina einstaka. Leikritið er frjálslega vaxið, einhverskonar blanda af hefðbundnu leikverki, uppistandi og kabarett og er einfalt í uppsetningu. Verkið var frumsýnt 2005. Meira

Langstærsti draumurinn

Fjölleiksýning með blandaðri tækni en auk hefðbundinna þátta leiksýningar (leikur, dans, tónlist osfrv.) er notast við kvikmyndatækni og tölvugrafík. Tveir hlutar verksins voru sýndir á Menningarnótt 2007, Þeir stífluðu dalinn minn og Uppflosnað fólk.

Drauganet

Drauganet gerist í hugskoti höfundar sem er að reyna að skapa leikpersónur. Hann gerir ýmsar tilraunir á þeim og vekja þær sjaldnast mikla hrifningu leikpersónanna sem eru ofurseldar duttlungum höfundarins. Leikpersónur verksins þrá það heitast að komast í leikrit en eru svo óheppnar að hafa lent hjá duglausum höfundi. Verkið var frumsýnt 2005.

Glæsibæjareintölin

Tólf stutt eintöl sem eru vaðall ófullburða leikpersóna sem hefur verið varpað fyrir róða. Persónurnar eru draugagangur í sköpunarverki höfundarins, munaðarleysingjar sem krefjast tilveru og raddar. Verkið var frumsýnt 2005.